Amigu di Tera.

Komunikado di prensa

22 di september 2009

 

Destrukshon di area di naturalesa na Boca Samí.

 

Poko poko ta destruyendo area di naturalesa rònt di e Lagun na Boca Samí. E tereno en kestion ofisialmente ta area di konservashon i gobièrnu tin deber di garantisá su protekshon.

 

Ta parse ku sierto suhetonan no tin kunes ku lei i ta dal bai i destruí naturalesa di nos isla. Ta habri tereno pero tambe a kumisá konstruí ilegalmente riba e terenonan aki.

 

Pa basta tempu kaba siudadanonan prekupá ta keha serka outoridatnan, pero no ta haña ningun oido. Gobièrnu no ta tuma akshon i esaki ta masha prekupante. Si gobièrnu no aktua kontra praktikanan ilegal, nos ta puntra ta pakiko anto tin gobièrnu. 

 

Amigu di Tera a manda un karta pa Bestuurscollege ku e súplika pa buska esnan kulpabel, i laga kibra tur konstrukshon ilegal na e sitio menshoná riba nan kuenta i drecha e sitio den su estado original, esaki tambe riba nan kuenta. Ademas e malechornan aki ta meresé di haña un bon but.

 

Yvette Raveneau

Presidente Amigu di Tera

 

Tel. 737 3965